Aquayoga

Tysdagar kl. 16.00 – 16.45 med Tone og Ingvill

Aquayoga i basseng gjev ei avslappande treningsoppleving som styrkjer kroppen og løyser opp spenningar. Treninga i varmt vatn mjukar opp musklar og ledd, slik at øvingane blir både skånsame og effektive og byggjer styrke og fleksibilitet og har fokus på kjernemuskulaturen. Du lærer teknikkar for pust, avspenning og stressmeistring.

Aquayoga er ideelt for deg som ønskjer betre rørsle i skuldrer, rygg og hofter, byggje styrke, eller prøve ei annleis treningsform. Vassmiljøet reduserer belastningsskadar, gir auka leddvæskeproduksjon og mjukar opp kroppen.

Fordelane er mange: avspenning, auka balanse, betre konsentrasjon, avgifting av kroppen og betre søvn.

Aquayoga gir både fysisk og psykisk velvære, og høver for alle, uansett erfaring. 

Påmelding

Timen varer i 45 min. Etter timen kan du nytte badstu og kaldkulpen til kl. 17.15.  

Vi tilbyr løpande månadsabonnement til 720,- per månad, basert på 4 gongar (180 kr. per gong). I enkelte månadar er det tre timar, i andre opp til fem. Pris vil variere ut ifrå tal timar per månad. 

Når ein deltar på aktivitet i regi av VTI-symjing må ein melde seg inn som medlem i klubben. For vaksen kostar det 200,- per år.

Ein må også kjøpe inngangsarmband til Voldabadet som kostar 150,-. Dette er ein eingongsutgift. Desse banda nyttar du også til skapa i garderobene.